9. Moliant i seintiau Brycheiniog
edited by Eurig Salisbury
Peniarth 54, 141‒5
Notes
The earliest large collection of poetry of the Cywyddwyr, much of which is autograph. The contents suggests that the manuscript
was written in the south east, possibly in the home of Ieuan ap Gwilym Fychan of Peutun near Brecon. This poem, like many others by Huw Cae Llwyd, was written in the manuscript by the poet himself but, as the original structure of the manuscript is unknown, reconstructing
the exact order in which the poems were written is impossible. Huw composed the poem before going on a pilgrimage to Rome in 1475, probably with financial support from Ieuan ap Gwilym Fychan, and the next poem he wrote in the manuscript recounts his experiences there (see MWPSS poem 16). He made three corrections as he was copying the text (see ll. 21, 55 and 59). He wrote line 51 twice at the top
of the page. Note that a vertical line runs through every D- that appears at the beginning of the first line of a couplet (see ll. 1, 3, 5, 25, 35, 47, 49, 58).
141
Dy dir a gred i dy r groc
Da vroy chenỽid vrycheinioc
Dy gymry nis dỽc amraint
Dlyedus ỽyd ỽlad y saint
5Dygaf rrỽng pedair avon
Dy led a hyd y ỽlad honn
Baedan or vann iar vynỽy
kynon ac irvon a gwy
Tir Selyf trassav haelyon
10ystrad yw henyỽ o honn
Tir y glynn yn treigl ennyd
talgarth o bobparth ir byd
I mae n rraid er mỽyn rradav
ym a chỽi ỽers ym Iachav
15Os y tad an kenhyada
Sỽrn i ddym ar siwrnai dda
I eglwys bedr os medraf
yn i ddydd yno i ddaf
142
keisiaf ym glyỽaf om gỽlad
20gann gynoc ỽynn i ganyad
y y gỽyr donyoc or dinas
Ieuan ar groc ynn yỽ r gras
Mair mihangel ac eluỽ
mathav dec kydymaith duỽ
25Deỽi paỽl da yỽ pevlvn
Domnic byneddic yn vn
Teilo vlldut seint elen
tyvaeloc att villo gỽenn
Margred katrin aeled nonn
30ffraid Iago ỽenffryd eigion
Saint lidnerth an kyfnertho
Saint Silin nev varthin vo
Brynach nikolas kastav
meugan degeman yll dav
143
35Da ỽyr gynydr a gỽeino
Dettv vab da yttiỽ vo
kenav elli kain ỽallỽen
kattỽc simỽnt edmỽnt hen
henỽav saint yỽ hynn o son
40Oed yỽ enỽi y dynyon
Meistri rac vy nodi nol
meistressav ym sy drassol
kenedl ym knaỽdol yma
kreiriav r dyn yỽ karỽyr da
45Ni bo ym gar heb ym gael
nerth hyd rvvain ỽrth dravael
Doda n ỽerth i da dan vn
Dyỽyol ỽeddi n dal vddvn
Da i ỽerin ysdyriaid
50nev ofni r hỽnn a vo n rraid
144
Pỽy a ỽyddyad ond tad dyn
pỽy a ỽyddyad ond tad dyn
peri addaf or priddyn
Ni ỽnai dduỽ ny enỽi ddoedd
ond xdỽedud yntav ydoedd
55ple n tueddir plant addaf
pwl oedd ym ỽybod ple ddaf
Daỽ ynn yn kad yn vn kail
Daỽ ynn l bagad vn bgail
O dduỽ Ieithoedd idd aethan
60atto dduỽ etto i ddan
I ellwng ef ir nefoedd
yn llaỽ ddyn i allwedd oedd
Os gwir yn oes agori
Dryssav nef ym drỽssywn i
65Onid ant o bob kantref
eled vn dros ỽlad nev dref
145
Ni ỽna ar benn vn or byd
neges da ond gwas diwyd
Mynn mair i mae ny mỽryad
70nad a nglyn eneidiav ngwlad
ho’ cae llwyt