I Grist ar y ddaear gron
Y bu stâl ebostolion;
Deuddeg i unDuw oeddynt
Yn droednoeth esgeirnoeth gynt,^{1 esgeirnoeth gynt Ni cheir yn Llst 7 ond esg, a daw gweddill y darlleniad hwn o BL Add 14871.}
5A dau oeddyn’ o’r deuddeg
O byst wal,^{1 o byst wal Cymerir bod y trosiad hwn yn cyfeirio at Simon a Jwd, ond gallai gyfeirio at y deuddeg apostol.} dau ’bostol deg;^{2 deg Dyma ymgais John Davies yn BL Add 14871 i lenwi’r bwlch yn Llst 7.}
Sud gwŷr i Grist a’i geraint,^{2 a’i geraint Yn ôl traddodiad roedd Simon a Jwd yn feibion i chwaer y Forwyn Fair ac felly’n gefndryd i Grist.}
Simon, Siud,^{3 Siud Ymgais yw’r ffurf hon i gyfleu ynganiad yr enw Saesneg Jude, mae’n debyg. Cf. y ffurf Sud, a gweler ymhellach EEW 173 a 227.} hwsmyn y saint.^{3 y saint Dyma ymgais John Davies yn BL Add 14871 i lenwi’r bwlch yn Llst 7.}
Ni edyn’ wŷr ein Duw ni
10Newid ffydd na’i diffoddi.

Arffacsadd,^{4 Arffacsadd Dewin o Bersia a elwir yn Arphaxadyn y fuchedd Gymraeg ac Arphaxat yn y Legenda Aurea.} ni bu raddol,
Ioryw ^{5 Ioryw Enw hwn yn y fuchedd Gymraeg yw Jaran, a Zaroes yn y Legenda Aurea.} ei was ar ei ôl;
Rhag Mathau ^{6 Mathau Dywedir am y ddau ddewin yn y fuchedd Gymraeg: yr rhai a gilyssynt kynn hynny rhac Matheus Ebostol .} sy orau sant,
O’u closydd y ciliasant,^{4 y ciliasant Dyma ymgais John Davies yn BL Add 14871 i lenwi’r bwlch yn Llst 7.}
15A phregethu y buant
Geiriau o dwyll, ar gred ânt.^{5 ânt Dyma ymgais John Davies yn BL Add 14871 i lenwi’r bwlch yn Llst 7.}
Hwy ddoethon, Simon a Siud,
Yw calcia^{6 Yw calcia Mae gweddill y llinell yn eisiau yn y ddwy lsgr. Gellid dehongli yw fel i’w, ond heb weddill y frawddeg mae’n amhosibl penderfynu. Ni wyddys chwaith a ydyw calcia yn air llawn, ond mae’n debyg ei fod yn gysylltiedig â’r ferf calcio ‘cyfrif’, cf. GLGC 174.31-2, calcio bûm wrth y cloc bach / dy oriau a’th bedeirach.} . . .
Gwnaethant, ddeusant urddasawl,
20Wyrthiau pur fal gwyrthiau Pawl.^{7 gwyrthiau Pawl Dyma ymgais John Davies yn BL Add 14871 i lenwi’r bwlch yn Llst 7, ac efallai fod lle i amau’r ailadrodd ar y gair gwyrthiau.}
Ymlid delwau Persidys ^{7 Persidys Persia. Cf. Persidia yn DB 89.}
A’u bwrw oll gan faint eu brys.
E’ fu ŵr a fu arab,
Bu i^{8 bu i hwn . . . bu i honno Hepgorwyd yr arddodiad i yn Llst 7 am ei fod yn diflannu yng nghesail y llafariad flaenorol yn y ddau achos.} hwn ferch, bu i honno fab;
25Tad y mab nid adnabu,
Anap ei fam, neb pwy fu.
Y saint a ddangoses wir
A throi gau’n waith rhy gywir;
Peri i fab, hy ar ei fam,
30Newydd eni yn ddinam,
Ddywedyd rhwng y ddeudir
Ar ei fam air a fu wir.
Gwadasant dros Effrosius ^{8 Effrosius Nid enwir y gŵr a gamgyhuddir yn y Legenda Aurea, ond rhoddir yr enw Ephrosiws yn y fuchedd Gymraeg.}
Gelwydd rhag ei ladd â rhus.^{9 rhus Dyma ymgais John Davies yn BL Add 14871 i lenwi’r bwlch yn Llst 7.}
35Dechrau wnaethant ill deuoedd
Geiriau Duw yn y gred oedd.
Bwrw o’u braint heb air a brys
Bobl weinion Babilonys.
Simon aeth drosom i nef,
40 Siud addwyn, dros dioddef.
Hwy a fernir i farnu
Ar y tair lleng a’r tri llu.^{9 y tair lleng a’r tri llu Credid y byddai pobl yn cael eu rhannu’n dri llu ar Ddydd y Farn, rhai i fynd i’r nef, rhai i uffern, a rhai i’r purdan.}
Gostegyn’, briwyn’ gerbron
Geudduwiau ac Iddewon.
45Ban weles heb niwl a sias^{10 Llau 45–8 Cf. adran 4 o’r fuchedd: Ac oddyna yr aethant hwy yll dau i’r dinas a elwid Samany ac yno yr oedd temyl yn llawn o’r gau dduwiau. A phan doeth Simon a Jwd i’r temyl honno, ef a roddes y kythreuliaid a oedd yn y gau dduwiau hynny garm o lefain yny oedd yn ysgyryd gan a oedd yno o ddyn warando arnynt.}
Eu dau wyneb y dinas,
Delwau o gorff diawl i gyd
A roes garm arw^{10 A roes garm arw Mae gweddill y llinell yn eisiau yn y ddwy lsgr.} . . .

Simon a Siud sy mewn swydd
50Ar yr eglwys i’r Arglwydd;^{11 arglwydd Ni cheir ond ar yn Llst 7, ond er bod y bai ‘crych a llyfn’ yn y llinell prin bod lle i gwestiynu darlleniad BL Add 14871.}
Hwy a farnan’ yn^{12 yn unawr Ceir fy unawr yn y ddwy lsgr. Diwygiwyd er mwyn y synnwyr, ond mae’r llinell yn dal i fod yn ddigynghanedd a gall fod yn llwgr.} unawr
Y dydd cadarn a’r Farn fawr.^{13 fawr Dyma ymgais John Davies yn BL Add 14871 i lenwi’r bwlch yn Llst 7, ac ni wnâi unrhyw air arall y tro.}
Barnu ’ngŵydd Iesu wna’r ddau,
Barnu gerbron y^{14 Barnu gerbron y Ymgais John Davies i gwblhau’r llinell yn BL Add 14871 oedd breiniau. Nid yw’r ffaith fod y darlleniad hwnnw’n rhoi’r bai ‘crych a llyfn’ yn rheswm digonol i’w wrthod (gw. GLGC xxxiv), ond gan nad yw’r synnwyr yn gwbl foddhaol chwaith, a bod mwy nag un posibilrwydd o ran y math o gynghanedd, penderfynwyd gadael y bwlch heb ei lenwi.} . . .
55Barnu i^{15 i Nid yw hyn yn Llst 7, ond mae angen treiglo’r gair nesaf er mwyn y gynghanedd, felly rhaid bod arddodiad wedi’i geseilio yn dilyn y llafariad flaenorol. Cynnig John Davies yn BL Add 14871 oedd o, a derbyniwyd hwnnw yn GLGC, ond o ddarllen i ceir gwell dilyniant gyda’r ddau sant yn oddrych y berfenw bob tro. Efallai fod y syniad o’r seintiau’n rhoi gorchymyn i Dduw yn ddiwinyddol annerbyniol i John Davies.} Dduw a brynodd iaith
Dwyn f’enaid i nef unwaith.^{16 unwaith Dyma ymgais John Davies yn BL Add 14871 i lenwi’r bwlch yn Llst 7.}